Nazarboyevning jiyani 1,45 milliard dollarni davlatga qaytardi
Qozog‘istonning sobiq prezidenti Nursulton Nazarboyevning jiyani Qayrat Satibaldi 650 milliard tenge (1,45 milliard dollar)ni davlatga qaytardi.
Dekabr oyida ham Qozog‘istonning Korrupsiyaga qarshi kurash xizmati Qayrat Satibaldi tomonidan noqonuniy ravishda chiqarilgan 120 million dollar mamlakatga qaytarilganini ma’lum qilgan edi.
OAVga ko‘ra, Qayrat Satibaldi firibgarlik, ishonchni suiiste’mol qilish yo‘li bilan mulkka zarar yetkazish, birovning mulkini o‘g‘irlash va o‘zlashtirishda ayblanmoqda.
U 2022 yilning mart oyida hibsga olinib, 6 yilga ozodlikdan mahrum etilgan.
