Nursulton Nazarboyev birinchi marta ikkinchi oilasi borligini tan oldi
Qozog‘istonning birinchi prezidenti «Mening hayotim» nomli xotiralar kitobini yozdi.
Unda sobiq prezident Asel Isabayeva bilan musulmon odatiga ko‘ra turmush qurganini tilga olgan. Bu turmushdan ikki farzand – 2005 yilda Tauman, 2008 yilda esa Bayken tug‘ilgan.
Ma’lum bo‘lishicha, Asel Isabayeva turmushidan avvalroq Ostonada bo‘lib o‘tgan «Miss Qozog‘iston» go‘zallik tanlovda Gran-prini qo‘lga kiritgan.
Eslatib o‘tamiz, 2023 yilda Nursulton Nazarboyev deyarli barcha davlat lavozimlarini boy berdi: yanvar oyida parlament bir ovozdan sobiq prezidentni Elbasi maqomidan mahrum qildi. Shundan so‘ng darhol Senat Nazarboyev Qozog‘istonning faxriy senatori bo‘lmasligini e’lon qildi. Bu unvon parlamentda butunlay olib tashlandi.
Umuman olganda, qozog‘istonliklar avvallari Birinchi Prezident kuni deb atalgan 1 dekabrni ikkinchi yildirki nishonlamayapti. 2021 yilda bu sana bayram sanalgan va butun mamlakat bo‘ylab gala-konsertlar bo‘lgan.
