Oqdaryoda yo‘lda harakatlanayotgan yuk mashinasi yonib ketdi
Viloyat favqulodda vaziyatlar boshqarmasi xabariga ko‘ra, bugun, 18 aprel kuni soat 15:14larda M-37 avtomobil yo‘li Oqdaryo tumani hududidan o‘tuvchi qismida harakatlanib ketayotgan “SHACMAN” rusumli yuk avtomobilida yong‘in sodir bo‘lgan.
Voqea joyiga 2 ta yong‘in-qutqaruv ekipaji soat 15:28 da yetib borib, yong‘in soat 15:46 da o‘chirilgan.
Xabarga ko‘ra, hodisa oqibatida tan jarohati olgan va halok bo‘lganlar yo‘q. Hozirda tergovga qadar tekshirish ishlari olib borilib, yong‘inning kelib chiqish sababi va zarari aniqlanmoqda.
