O‘zbek jang san’ati Olimpiada o‘yinlari tarkibiga kiritiladimi?
Olimpiadani bilmadimu, ammo 2025 yilda O‘zbekistonda bo‘ladigan Yoshlar o‘yinlari Osiyo musobaqasiga kiritilishi aniq. Chunki federatsiyamizning taklifiga asosan O‘zbekiston Milliy olimpiya qo‘mitasi ushbu jang san’atining ahamiyatini sinchiklab o‘rganib, xalqaro sport tashkilotlari fikrini o‘rgandi. Hademay, O‘zbekiston MOQ tashkiliy kengashi bu masalani ko‘rib chiqishga tayyorlik ko‘ryapti. Yaxshi xabar kutyapmiz.
Samarqand viloyatida hozir ming nafar o‘g‘il-qiz o‘zbek jang san’ati bilan shug‘ullanadi. Malakali mutaxassis va murabbiylarimiz soni 15 nafarga yetdi. Respublika musobaqalarida faxrli o‘rinlarni olib kelyapmiz. 2017 yilda jamoamiz Janubiy Koreyada o‘tkazilgan milliy yakkakurashlar festivalida qatnashib, sovrindor bo‘ldi.
Halim YuSUPOV,
O‘zbek jang san’ati viloyat federatsiyasi bosh murabbiyi.
