O‘zbekiston kartoshka yetishtirish, saqlash va eksport qilishda Eron tajribasini qo‘llashi mumkin

Bu bo‘yicha O‘zbekiston O‘simliklar karantini va himoyasi agentligi direktori Ibrohim Ergashev boshchiligida delegatsiyaning Eronga tashrifi davomida kelishuvga erishilgan.

Tashrif doirasida Hamadon viloyatidagi kartoshka yetishtirish bo‘yicha "Golden Feeder Co." kompaniyasi direktori Mohammadreza Jamalizade va "Soltani" kompaniyasi direktori Qorban Soltani bilan uchrashuvlar tashkil etilgan.

O‘zbekiston delegatsiyasi, shuningdek, ushbu kompaniyalarning kartoshka yetishtiriladigan maydonlari va omborxonalarda saqlanayotgan mahsulotlar holati bilan tanishgan.

Tomonlar kelgusida kartoshka yetishtirish va eksport qilish yo‘nalishida hamkorlik qilishga kelishib oldilar, deya xabar beradi “Dunyo” AA.