O‘zbekistonda ŠKODA brendining birinchi avtomobillari noyabr oyidan yetkazib berila boshlanadi

Joriy yilning oktyabr oyida “Jizzax avto” MChJ “Folksvagen” konserniga tegishli ŠKODA brendini taqdim etadi. Bu haqda "O‘zavtosanoat" AJ axborot xizmati xabar berdi.

ŠKODA KODIAQ ikki xil komplektatsiyada taqdim etiladi: besh o‘rindiqli Ambition va yetti o‘rindiqli Style. Mahalliy bozor uchun ushbu model sig‘imi 2,0 litrlik, quvvati 180 ot kuchiga ega bo‘lgan turbo dvigatel, yetti bosqichli robotlashtirilgan, eng so‘nggi avlod DSG qutisi, to‘liq uzatma va panorama lyuk bilan taqdim etiladi.

Avtomobillar narxlari oktyabr oyida e’lon qilinadi, shunda avtomobil qiymatining bir qismini to‘lab, oldindan buyurtma berish mumkin bo‘ladi.

Dastlabki avtomobillarning yetkazib berilishi joriy yilning noyabr oyida amalga oshirilishi rejalashtirilgan.