Past Darg‘om va Urgut tuman IIBlarida boshliq o‘zgardi

Viloyat IIB axborot xizmati xabariga ko‘ra, Ichki ishlar vazirining tegishli buyrug‘i bilan Ma’ruf Qo‘ziyev Urgut tumani IIB boshlig‘i lavozimiga tayinlangan. Mazkur tayinlovgacha u Past Darg‘om tumani IIB boshlig‘i lavozimida ishlagan.

Shu paytgacha Urgut tumani IIB boshlig‘i lavozimida ishlab kelgan Zohid Mamadoliyev Past Darg‘om tumani IIB boshlig‘i lavozimiga o‘tkazilgan.
Qayd etilishicha, viloyat IIB boshlig‘i Rahmat Mamatov har ikki tumanda bo‘lib, yangi tayinlangan IIB boshliqlarini shaxsiy tarkibga tanishtirgan.