Payariqda Fudokan karate-do viloyat saralash musobaqasi bo‘lib o‘tdi
Payariq tumanida sportning Fudokan karate-do turi bo‘yicha viloyat saralash musobaqasi bo‘lib o‘tdi.
Musobaqada viloyat bo‘yicha barcha shahar va tumanlardan 100 ga yaqin yoshlar ishtirok etdi. Ular orasida Payariq xizmat ko‘rsatish kolleji o‘quvchisi Shaxnoza Saidazzamova 5 yo‘nalish bo‘yicha qatnashib, 4 ta oltin va 1 ta bronza medali sohibasi bo‘ldi.
Shuningdek, musobaqada 20 nafardan ortiq yoshlar 27-28 aprel kunlari Toshkent shahridagi “Jar” sport majmuasida bo‘lib o‘tadigan O‘zbekiston chempionati musobaqasida ishtirok etish yo‘llanmasini qo‘lga kiritdi.
Ismat JULIYEV.
