Payariqda yangi tuzilma rahbarlari faollarga tanishtirildi
Payariq tumani mahalla va oilani qo‘llab-quvvatlash bo‘limi boshlig‘i lavozimiga Mamasoliyeva Dilfuza Xayrullayevna nomzodi ko‘rsatilgan.
D.Mamasoliyeva 2019 yildan bugungi kungacha Payariq tumani hokimi o‘rinbosari – xotin-qizlar qo‘mitasi raisi lavozimida ishlab kelgan.
Payariq tumani mahalla va oilani qo‘llab-quvvatlash bo‘limi boshlig‘ining xotin-qizlarning ijtimoiy-siyosiy faolligini oshirish bo‘yicha birinchi o‘rinbosari lavozimiga To‘raqulova Tozagul Muhiddinovna nomzodi ko‘rsatilgan.
T.To‘raqulova 2019 yildan bugungi kungacha “Oila” ilmiy-amaliy tadqiqot markazi Payariq tumani bo‘limi rahbari lavozimida ishlagan.
Payariq tumani mahalla va oilani qo‘llab-quvvatlash bo‘limi boshlig‘ining xavfsiz mahalla faoliyatini tashkil etish va muvofiqlashtirish bo‘yicha o‘rinbosari lavozimiga Yusupov Jasur Jo‘rabekovich nomzodi ko‘rsatilgan.
J.Yusupov 2019 yildan bugungi kungacha Payariq tuman IIB boshlig‘ining yoshlar masalalari bo‘yicha o‘rinbosari – huquqbuzarliklar profilaktikasi bo‘linmasi boshlig‘i lavozimida ishlagan.
Payariq tumani mahalla va oilani qo‘llab-quvvatlash bo‘limi boshlig‘ining keksalar va faxriylarni qo‘llab-quvvatlash va ijtimoiy faolligini oshirish bo‘yicha o‘rinbosari lavozimiga Xo‘janafasov Farmon Bekqulovich nomzodi ko‘rsatilgan.
F.Xo‘janafasov 2019 yildan bugungi kungacha O‘zbekiston faxriylarining faoliyatini ijtimoiy qo‘llab-quvvatlash jamoat fondi shaklidagi "Nuroniy" jamg‘armasi Payariq tumani kengashi raisi lavozimida ishlab kelgan.
Yig‘ilishda viloyat hokimligi tashkiliy-nazorat guruhi rahbari Nazarov Farhod Sharipovich ishtirok etib, yangi tuzilma va uning rahbarlari oldida turgan vazifalarga to‘xtalib o‘tdi.
