Pokiston 520 dan ortiq Afg‘oniston fuqarosini qamoqdan ozod qildi
Afg‘onistonning Pokistondagi elchixonasi ma’lumotlariga ko‘ra, Pokiston hukumati 520 dan ortiq afg‘on fuqarosini, jumladan, salkam 100 nafar bolani qamoqdan ozod qilgan.
“Afg‘onistonning Islomoboddagi elchixonasi va mamlakatning Karachidagi bosh konsulligining sa’y-harakatlari natijasida 524 nafar afg‘onistonlik qamoqxonalardan ozod etildi, ulardan 54 nafari ayol va 97 nafari bolalar”, deyiladi elchixona xabarida.
Qayd etilishicha, mahbuslar uchun transport, oziq-ovqat va kiyim-kechak uchun barcha xarajatlar Afg‘oniston elchixonasi va konsulligi tomonidan to‘lanadi.
