Prezident bilan bo‘lib o‘tadigan muloqotga 600 nafar shifokor murojaat yo‘llagan
Prezident Mirziyoyevning sog‘liqni saqlash tizimi vakillari bilan bo‘lib o‘tadigan “O‘zbekiston tibbiyoti — inson qadri uchun” mavzusidagi ochiq muloqotiga Samarqand viloyatidan 1096 ta murojaat yo‘llangan.
Sog‘liqni saqlash boshqarmasi ma’lumotlariga ko‘ra, ayni kunlarga qadar tushgan murojaatlarning 599 tasi tibbiyot xodimlaridan, 497 tasi fuqarolardan.
Shifokorlardan tushgan murojaatlarning 454 tasi taklif, 145 tasi shikoyat ariza sifatida ro‘yxatdan o‘tkazilgan. Hozirga qadar ushbu shikoyatlarning 112 tasi hal etilgan.
Birlamchi va shoshilinch tez tibbiy yordam sohasiga oid murojaatlar soni 413 tani tashkil etmoqda.
