Qarzdor MChJning beton aralashmasi tayyorlaydigan avtomashinasi xatlandi
Toshkent tumanlararo iqtisodiy sudining ijro varaqasiga asosan da’vogar “T.A.L.” MChJga javobgar “Sh.O.O” MChJdan uning lizing to‘lovlari uchun muddati o‘tgan 687,3 million so‘m qarz, 300 million so‘m penya hamda 82,3 million so‘m miqdoridagi davlat bojini to‘lashi zarurligi belgilangan.
Biroq qarzlar o‘z vaqtida to‘lanmagach, beton aralashmasi tayyorlaydigan avtotransport vositasiga qidiruv e’lon qilingan.
"Ushbu mashina MIBning Samarqand viloyat boshqarmasi xodimlari tomonidan o‘tkazilgan tadbir davomida ushlangan va vaqtinchalik saqlash uchun jarima maydonchasiga joylashtirilgan", deya xabar bermoqda MIB viloyat boshqarmasining qidiruv shu’basi inspektori Erkin Ma’rupov.
