Qo‘shrabotda mahalladoshining sigirini o‘g‘irlab ketgan shaxs ushlandi

Qo‘shrabot tumani IIBga Sarig‘ul MFYda yashovchi K. ariza bilan murojaat qilib, 2020 yil 28 oktyabr kuni noma’lum shaxs yashash uyi tomorqasida bog‘lab qo‘yilgan, bozor bahosi 11.000.000 so‘mlik bir bosh sigirini o‘g‘irlab ketganligini bildirib, ushbu noma’lum shaxsni aniqlab, unga nisbatan qonuniy chora ko‘rishni so‘ragan.

Tuman IIB xodimlari tomonidan olib borilgan tezkor-qidiruv tadbirlari natijasida ushbu jinoyatni shu mahallada yashovchi, 1988 yilda tug‘ilgan M. sodir qilganligi aniqlanib, undan ashyoviy dalillar tegishli tartibda hujjatlashtirib olingan.

Samarqand viloyati IIB axborot xizmatining xabar berishicha, holat yuzasidan tuman IIB huzuridagi tergov bo‘limi tomonidan O‘zbekiston Respublikasi JKning 169-moddasi 2-qismi “g” bandi bilan jinoyat ishi qo‘zg‘atilgan.