Qurilish-ta’mirlash ishlaridagi talon-torojliklar aniqlandi
Bosh prokuratura huzuridagi Departamentning Past Darg‘om tumani bo‘limi tomonidan o‘tkazilgan tergovga qadar tekshiruvda “G.K.” MChJ mas’ul shaxslari “Juma” pochta aloqa tarmog‘i binosini qurishda amalda bajarilmagan ishlarni qo‘shib yozish orqali 261,6 mln. so‘mni o‘zlashtirish yo‘li bilan talon-toroj qilganligi aniqlangan.
Holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) va 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishlari qo‘zg‘atilib, tergov harakatlari o‘tkazilmoqda.
