Registon maydoniga endi «qizil yo‘lak»dan o‘tasiz
Yo‘llardagi o‘tish belgilari respublikamizning turli shaharlarida yangicha ko‘rinish kasb etmoqda. Bundan bir necha oy avval Namangan viloyatida 3D ko‘rinishdagi yo‘l chiziqlari paydo bo‘lgandi. Samarqandning Registon maydoni ro‘parasida rasmdagi kabi yo‘l chiziqlari chizildi. Haydovchilarining diqqatini jalb etish, yo‘l harakati qoidalariga to‘liq amal qilish maqsadlarini ko‘zlagan bunday yangilik shahar yo‘llariga ham ko‘rk bo‘lmoqda.
