Samarada yuz bergan yo‘l transport hodisasida 3 nafar o‘zbekistonlik jarohatlandi
Rossiyaning Samara viloyatida 17 iyun kuni soat 19:00 da yuz bergan yo‘l-transport hodisasi oqibatida 6 kishi, jumladan, 3 nafar O‘zbekiston fuqarosi jarohat oldi.
O‘zbekiston Tashqi ishlar vazirligi matbuot xizmati xabariga ko‘ra, barcha jarohatlanganlar Tolyattidagi 5-shahar klinik kasalxonasiga olib kelingan.
O‘zbekistonning Qozon shahridagi bosh konsulxonasi Samara viloyatining tegishli organlari bilan aloqa o‘rnatgan hamda mazkur vaziyatni o‘z nazoratiga olgan.
