Samarqand maktablari bitiruvchilarining 46528 nafari OTMga hujjat topshirdi
2019-2020 o‘quv yilida Samarqand viloyati xalq ta’limi boshqarmasi tasarrufidagi 1238 ta umumta’lim maktablarining 11-sinfini 53583 nafar o‘quvchi bitirdi. O‘tkazilgan so‘rovnomalarda ularning 46800 nafari OTMlarida, 2187 nafari kasb-hunar kolleji va texnikumlarda o‘qishini davom ettirish istagini bildirgan.
Shuningdek, 4596 nafar bitiruvchilar tadbirkorlik, turli kasb-hunarlar bo‘yicha mehnat faoliyatini boshlash niyatini bayon etgan.
Samarqand viloyati xalq ta’limi boshqarmasi axborot xizmati rahbari Abduxoshim Ziyotovning ma’lumot berishicha, bitiruvchilarning 46528 nafari OTMga hujjat topshirgan.
