Samarqand viloyati futbol mahorat maktabi (futbol akademiyasi)ga qabul qilish bo‘yicha kasbiy (ijodiy) imtihonlari bo‘lib o‘tadi
Shu yil 22-25 fevral kunlari Samarqand viloyati futbol mahorat maktabi (futbol akademiyasi) 2020/2021 o‘quv yilida bo‘sh qolgan o‘rinlarga hamda joriy nazorat imtihonlaridan o‘tmagan o‘quvchilar o‘rinlarini to‘ldirish maqsadida o‘quvchilarni qabul qilish bo‘yicha kasbiy (ijodiy) imtihonlari bo‘lib o‘tadi.
Imtihonlar jarayonida o‘yin qobiliyatlarini baholash sinovi - bunda sinov imtihonida ishtirok etayotgan nomzod o‘quvchini futbol o‘yini jarayonidagi harakatlari natijasiga ko‘ra aniqlanadi. Imtihon qabul komissiyasining har bir a’zosi maydonda harakat qilayotgan ikki nafar nomzod o‘quvchini futbol o‘yini davomida ularning texnik, taktik va jismoniy tayyorgarligi, psixologik holatiga ko‘ra baholab borishadi. Nomzod o‘quvchi tomonidan har bir harakat amalga oshirilganda – a’lo 3 ball, yaxshi 2 ball, qoniqarli 1 ball va qoniqarsiz 0 ball etib qayd etiladi.
O‘yin qobiliyatini baholash mezonining maksimal miqdori 42 ballni (birinchi va ikkinchi bosqich imtihonlarida to‘plangan maksimal ballar qo‘shilganda 84 ball) tashkil etadi.
Nomzodlardan hujjatlar 18-20 fevral kunlari Samarqand viloyati futbol mahorat maktabi (futbol akademiyasi)da qabul qilinadi.
Manzil: Samarqand shahar, Bog‘dod ko‘chasi, 39-uy.
Nomzodlardan F-086-U shakldagi tibbiy ma’lumotnoma, tug‘ilganligi haqida guvohnoma hamda futbolchi pasporti (agar mavjud bo‘lsa) talab qilinadi.
Murojaat uchun mas’ullar:
Sharipov Sayfullo Nuriddinovich (99.779-85-05), Mavlyanov Xurshid Xodjamqulovich (90.199-13-99), Muxtarov Xushvaqt Sergiyevich (91.543-29-77).
