Samarqandda 42 ta mahalla fuqarolar yig‘inlari yangi binosi foydalanishga topshirildi
Joriy yilda Samarqandda 200 ga yaqin mahalla fuqarolar yig‘inlarining binosi yangidan qurib bitkazilishi rejalashtirilgan.
Bugunga qadar viloyat hokimligi va homiylik mablag‘lari hisobidan 42 ta mahallaning yangi binosi foydalanishga topshirildi. Oy so‘ngiga qadar 36 ta mahalla fuqarolar yig‘inlari binosi tayyor holga keltirilishi rejalashtirilgan bo‘lib, bir qismi hozirgacha to‘liq qurib bitkazilgan.
Shuningdek, “Mahalla” xayriya jamoat fondi viloyat bo‘limi tomonidan ushbu mahallalarda yashovchi kam ta’minlangan, ehtiyojmand, nogironligi bo‘lgan hamda “Temir daftar”da ro‘yxatda turuvchi oilalarga yordam ko‘rsatildi.
