Samarqandda bugun yuridik texnikumlarga o‘qishga kirish imtihoni bo‘lib o‘tdi

Imtihon Samarqand shahar 2-son bolalar va o‘smirlar sport maydoni va "Lokomotiv" futbol stadionida bir navbatda tashkil etildi.

Davlat test markazi Samarqand viloyati bo‘limining Zarnews.uz’ga ma’lum qilishicha, yuridik texnikumga test topshirishi belgilangan 1270 nafar abituriyentdan 466 nafari test sinovida ishtirok etgan. 804 nafari noma’lum sabablarga ko‘ra qatnashmagan.
Imtihon tarix, chet tili hamda majburiy fanlardan bo‘lib, abituriyentlarga 3 soat vaqt berildi.
Test sinovlariga jalb etilgan barcha abituriyentlar qadoqlangan ichimlik suvi va ruchka bilan ta’minlandi.

Eslatib o‘tamiz: Samarqand yuridik texnikumiga bu yil 240 nafar o‘quvchi qabul qilinadi.