Samarqandda qalbaki aviachiptalarni sotgan firibgar qamaldi

Avvaliga firibgar “Toshkent-Tyumen” reysiga har biri 352 AQSh dollari evaziga ikkita “aviachipta” sotgan.
Shundan so‘ng, u Nyu-Yorkga yana uchta “elektron chipta”ni pullagan.

Ertasiga esa, Fattoh “Samarqand-Moskva” yo‘nalishiga ikkita, “Toshkent-Istanbul” aviareysiga bitta soxta chipta sotgan.
Ularning barchasi aeroportiga borgach, aviachiptalari soxta ekani ma’lum bo‘lgan. 

Toshkent aeroportidan Samarqandga qaytganlar firibgarni topa olishmadi. U esa “Aviakassa”ni yopib qorasini ko‘rsatmay ketdi.
Fattoh Anorov qo‘lga olingach, barcha qilmishlarini tan oldi. 

Sud Fattoh Anorovni uch yilu uch oyga ozodlikdan mahrum etdi. Shuningdek, jabrlanuvchilarga yetkazilgan zarar undan undiriladigan bo‘ldi.