Senator maktab kutubxonasiga kitob sovg‘a qildi

Kitob - bilimlar kaliti. Farzandlarimizning kitob o‘qishga bo‘lgan qiziqishi oilada, maktabda shakllanadi. Bunga faqat zamin yaratilsa bo‘lgani.

Paxtachi tumanidagi 13-umumiy o‘rta ta’lim maktabida ham kitobsevar yoshlar ko‘p. Ularning ma’naviy olamini yanada boyitish, yangi asarlardan bahramand qilish maqsadida Oliy Majlis Senati a’zosi F.Toshev maktab kutubxonasi fondiga 150 turdan ortiq adabiy-badiiy kitoblar hamda eng sara o‘zbek va jahon adabiyoti asarlari nashr etiladigan jurnallar sovg‘a qildi.

Maktab kutubxonasining ma’naviy xazina bilan boyitilishi o‘quvchilarning kitobga bo‘lgan mehrini oshirib, bilimini boyitishi, shubhasiz.

Munisa Shamsiyeva.