Shifoxonada davolanayotgan bolalarning ota-onalari ham ovoz berdi
Samarqand shahridagi 1-bolalar shifoxonasida tashkil etilgan 121-saylov uchastkasida muassasada salomatligini tiklayotgan bolajonlarning ota-onalari ham ovoz berish jarayonida ishtirok etmoqda.
- Besh kun oldin farzandimning tobi qochib qolgandi, - deydi Anhor mahallasida yashovchi Zilola Hasanova. - Bugungi siyosiy jarayonda ishtirok etolmasam kerak, deb o‘ylagandim. Shifoxonada tashkil etilgan saylov uchastkasida nomzodlarning saylovoldi dasturlari bilan tanishib, o‘zim munosib deb topgan nomzodga ovoz berdim.
