Stol tennisi bo‘yicha O‘zbekiston kubogi g‘oliblari aniqlandi
Samarqanddagi sportning o‘yin turlari va yengil atletikaga ixtisoslashgan sport maktabida stol tennisi bo‘yicha erkaklar va ayollar o‘rtasida O‘zbekiston kubogi bahslari o‘tkazildi.
O‘zbeksiton Respublikasi sport vazirligi, Soliq qo‘mitasi, O‘zbekiston stol tennisi federatsiyasi hamkorligida o‘tkazilgan musobaqada Qoraqalpog‘iston Respublikasi, Toshkent shahri va viloyatlardan 24 jamoada 220 nafar ishtirokchi bellashdi.
Musobaqada erkaklar o‘rtasidagi bahsning final bosqichida Toshkent viloyati jamoasi viloyatimiz jamoasidan ustun kelib, O‘zbekiston kubogini qo‘lga kiritdi. Keyingi o‘rinlar Buxoro va Toshkent-2 jamoalariga nasib etdi.
Xotin-qizlar o‘rtasidagi final bahsida ham Toshkent viloyati jamoasi Andijon viloyati sportchilarini 3:0 hisobida yengib, kubokni qo‘lga kiritdi. Xorazm hamda Toshkent-1 jamoalari shohsupaning uchinchi pog‘onasidan joy oldi.
