Test sinovlari bugun, 1 avgustdan boshlanadi

2023-2024 o‘quv yili uchun oliy ta’lim muassasalariga kirish test sinovlari boshlanmoqda.
Test sinovlari kuniga ikki smenada o‘tkazilib:
1-smenada soat 08:00 dan 11:00 ga qadar;
2-smenada soat 15:00 dan 18:00 ga qadar bo‘lib o‘tadi.

Bu yilgi test sinovlariga Samarqand viloyatida jami 7 ta bino tanlangan bo‘lib, bir smenada 4350 nafar, bir kunda esa 8700 nafar abituriyent test sinovida ishtirok etadi.

Bilim va malakalarni baholash agentligi Samarqand viloyatining ma’lum qilishicha, test sinovlari yettita binoda o‘tkaziladi. Bular - Samarqand davlat universiteti akademik litseyi sport zali, Samarqand sport o‘yin turlari va yengil atletikaga ixtisoslashtirilgan sport maktabi 1-binosi, Samarqand sport o‘yin turlari va yengil atletikaga ixtisoslashtirilgan sport maktabi 2-binosi, Samarqand davlat universiteti jismoniy madaniyat fakulteti sport zali, Samarqand sport o‘yin turlari va yengil atletikaga ixtisoslashtirilgan sport maktabi, Samarqand sport o‘yin turlari va yengil atletikaga ixtisoslashtirilgan sport maktabi 4-binosi, Samarqand olimpiya va paralimpiya sport turlariga tayyorlash markazi binosi.

Test sinovlari bo‘lib o‘tishi rejalashtirilgan binolar mahalliy hokimlik va mas’ul tashkilotlar tomonidan 4350 ta bir o‘rinli stol-stul, 60 ta sovutish moslamasi, 13 ta shaxsni aniqlovchi identifikatsiya qurilmasi, 166 ta videokamera moslamasi bilan jihozlandi.

Abituriyentlar test sinoviga pasport (ID-karta) va abituriyent ruxsatnomasi bilan kiritiladi.

Samarqandda test sinovlari abituriyentlar soni va test sinovlari o‘tkaziladigan binolar sig‘imidan kelib chiqqan holda 13 kun davom etadi.