“Titanik”ga ketayotib g‘oyib bo‘lgan suv osti kemasi qoldiqlari topildi. Ekipaj halok bo‘lgan

Atlantika okeanidagi qutqaruv operatsiyasi ishtirokchilarining fikricha, yo‘qolgan "Titan" suv osti kemasini qidirish hududida topilgan vayronalar apparatning bir qismi bo‘lib chiqqan. Bu haqda CNN xabar bermoqda.

Suvosti kemasiga egalik qiluvchi OceanGate kompaniyasi ekipaj a’zolari halok bo‘lgan deb hisoblamoqda. Topilgan parchalar "Titan"ning tashqi qismining parchalaridir. Bo‘laklar "Titanik" tumshug‘idan taxminan 500 metr masofada topilgan. Vayronalar ekipaj kapsulasining “halokatli yo‘qolishi”ni tasdiqlaydi.

Sohil xavfsizlik xizmati ma’lumotlariga ko‘ra, "Titan" dvigatel silindrida ћavo yoki ish qorishmasining siqilishi tufayli vayron bo‘lgan. Bu nima uchun, qanday va qachon sodir bo‘lganligi hozircha noma’lum. Okean tubidagi og‘ir vaziyatga qaramay, ekipaj a’zolarining jasadlarini qidirish davom etmoqda.

Avval xabar berganimizdek, 18 iyun kuni Atlantika okeanida sayyohlar bo‘lgan “Titanik”ga yo‘l olgan xususiy suv osti kemasi g‘oyib bo‘lgan. Bortda besh kishi, jumladan britaniyalik milliarder Xemish Xarding va OceanGate asoschisi Stokton Rash bo‘lgan.