Toshkent—Istanbul yo‘nalishi bo‘yicha qo‘shimcha reys amalga oshiriladi
Uzbekistan Airways kompaniyasi 26 iyul kuni Toshkent—Istanbul—Toshkent yo‘nalishi bo‘yicha qo‘shimcha charter reys amalga oshirilishini ma’lum qildi.
Reyslar jadvali:
Toshkent—Istanbul
Uchish soati 15:00, qo‘nish 19:50 (mahalliy vaqt bilan Anqarada to‘xtab o‘tiladi);
Istanbul—Toshkent
Uchish soati 21:20 da, qo‘nish 03:50+1 (mahalliy vaqt bilan).
Toshkent—Istanbul yo‘nalishi uchun aviachiptalarni aviakompaniya filialining markaziy sotuv ofisidan (Uzbekistan Airways Sales) soat 10:30 dan boshlab to‘g‘ridan-to‘g‘ri navbatda turish orqali xarid qilish mumkin.
Bunda yo‘lovchining shaxsan o‘zi hujjatlarining asl nusxasi bilan kelishi shart:
O‘zbekiston fuqarolari uchun – pasport va uchish uchun asos;
Xorij fuqarolari uchun – pasport.
Istanbul—Toshkent yo‘nalishiga chipta xarid qilish uchun O‘zbekistonning Istanbuldagi bosh konsulligiga murojaat qilish mumkin.
Tushunmovchiliklarning oldini olish maqsadida aviachiptalar qo‘lga kiritish bo‘yicha o‘z xizmatlarini taklif qiluvchi shubhali shaxslarga murojaat qilmaslik so‘raladi.
