Android qurilmalar uchun Zarnews.uz mobil ilovasi. Yuklab olish x

Xitoy sayohatchilar uchun tibbiy pasport dasturini ishga tushirmoqda

Xitoyning Wechat messenjeri sayohatchilar uchun xalqaro sog‘liqni saqlash sertifikatining xitoycha versiyasi bo‘lgan mini-dasturni rasman ishga tushirdi, deb xabar qilmoqda Xitoy Xalq Respublikasi Tashqi ishlar vazirligi huzuridagi konsullik idorasi.

"Yaqin kelajakda turizm bo‘yicha xalqaro sog‘liqni saqlash sertifikatining xitoycha versiyasi turli mamlakatlar aholisi o‘rtasida sog‘lom, xavfsiz va tartibli muloqotni rivojlantiradi va dunyo bo‘ylab sayohat qilayotgan Xitoy fuqarolari uchun ishonchli kafolatga aylanadi", deyiladi Wechat agentlik xabarida.

Sertifikatda nuklein kislotasi va IgG antitelalarning test natijalari, shuningdek koronavirusga qarshi emlash bor-yo‘qligini ko‘rsatadi. Ushbu ma’lumotni har qanday xorijiy sog‘liqni saqlash muassasasi QR-kodini skanerlash orqali olishi mumkin bo‘ladi. Xohlagan taqdirda sertifikatni printerdan chiqarib olish mumkin.

Shu kabi texnologiyalar Xitoyda oldin ham qo‘llanilgan. Shunday qilib, o‘tgan yili mamlakatda koronavirus tarqalishini cheklashni o‘z ichiga olgan «sog‘liqni saqlash kodi» paydo bo‘ldi. Elektron hamyon yoki dasturda olinishi mumkin bo‘lgan QR-kod ish joyi, transport yoki jamoat joyiga o‘tish uchun ham ishlatilgan.