Xitoyda gaz portlashi oqibatida 11 kishi halok bo‘ldi
Xitoyning Xubey provinsiyasining Shiyan shahrida tabiiy gaz portlashi oqibatida kamida 11 kishi halok bo‘ldi va 144 kishi jarohatlandi, deb xabar qilmoqda Xitoy Markaziy televideniyesi.
Portlash bugun, 13 iyun mahalliy vaqt bilan soat 6:30 (Toshkent vaqti bilan 1:30) da yirik oziq-ovqat bozori bo‘lgan Chjanvan hududidagi turar-joy majmuasi hududida sodir bo‘ldi. Portlash to‘lqini 40 ga yaqin kioskani vayron qildi.
Ma’lum qilinishicha, portlash bozor allaqachon ish boshlagan paytda sodir bo‘lgan. Qutqaruvchilar vayronalar ostidan 144 kishini olib chiqishga muvaffaq bo‘lgan, 37 kishi og‘ir ahvolda, 11 kishi vafot etgan.
