Android qurilmalar uchun Zarnews.uz mobil ilovasi. Yuklab olish x

4 yoshli bola yong‘indan qutqarib olindi

Bugun, 7 noyabr kuni Navoiy shahar FVB YoXB navbatchilik qismiga Mahmud Tarobiy ko‘chasida joylashgan ko‘p qavatli uyning oshxonasida yong‘in yuz bergani to‘g‘risida xabar kelib tushgan.

Xabar olingach, boshqarma qutqaruvchilari 1 ta qutqaruv va 2 ta yong‘in o‘chirish texnikalari bilan voqea joyiga yetib borishdi.

Yong‘in o‘chirish avtonarvoni 4-qavatga o‘rnatilib, maxsus gidravlik qaychi yordamida xonadonning temir panjaralari kesib olindi va alanga ichida qolgan 4 yoshli bolakay qutqaruvchilar - X.Haqberdiyev, G‘.Rajabov B.Elmurodov, F.Xalimovlar tomonidan qutqarib olindi.

Ko‘rilgan tezkor harakatlar natijasida yong‘in to‘liq o‘chirilgan. 2015 yilda tug‘ilgan Mirziyo Farrux o‘g‘li sog‘-salomat ota-onasiga topshirildi. Bu haqda FVV matbuot xizmati ma’lum qildi.

Yong‘inning kelib chiqish sababi va moddiy zarar aniqlanmoqda.