Jizzax va Navoiy viloyatlarida esgan kuchli shamol uylar tomi va avtomashinalarga zarar yetkazdi

Kecha respublikamizning Jizzax hamda Navoiy viloyatlarida 18-23 m/s tezlikda kuchli shamol esdi. Buning oqibatida ayrim aholi yashash xonadonlari va transport vositalariga zarar yetdi.

Kuchli shamol oqibatida Jizzax shahri Olmazor mahallasida joylashgan 1-ko‘p qavatli uyning 300 kvadrat metr maydondagi tomyopmasi qulab tushdi. Hodisada, shu uy oldida bo‘lgan “Lacetti” va “Cobalt” rusumli avtomobillarga texnik zarar yetgan.

Navoiy viloyati Uchquduq tumani Yo‘lchilar, Do‘stlik, Aytim mahallalari hududida joylashgan ko‘p qavatli aholi yashash xonadonlarida ham shunday holatlar kuzatilgan. Jabrlanganlar yo‘q.

Favqulodda vaziyatlar vazirligi matbuot xizmati xabariga ko‘ra, ushbu holat oqibatlarini bartaraf etish maqsadida 2 ta maxsus texnika va 16 nafar qutqaruvchi jalb etilgan. Ayni vaqtda voqea joyida zaruriy tadbirlar amalga oshirilib, ishlar davom etmoqda.