Qalbaki pasport bilan O‘zbekistonga kirishga uringan eronliklar qo‘lga tushdi
Eron fuqarolari qalbaki Italiya pasporti bilan O‘zbekistonga kirishga urinishdi. Bu haqda DXX Chegara qo‘shinlari xabar qilmoqda.
Qayd etilishicha, 3 noyabr kuni Toshkent xalqaro aeroportida “Istanbul-Toshkent” yo‘nalishi bo‘yicha poytaxtga kelgan ikki kishining Italiya davlatiga tegishli fuqarolik pasportlari tekshirilgan va pasportlar qalbaki ekanligi aniqlangan.
Olib borilgan surishtiruv ishlari davomida ushbu shaxslar aslida Eron Islom Respublikasi fuqarolari ekanligi ma’lum bo‘ldi.
Ularga qonunchiligimizda belgilangan tartibda chora ko‘rildi.
