Android qurilmalar uchun Zarnews.uz mobil ilovasi. Yuklab olish x

Qirg‘izistonning Botken viloyatidagi qishloq aholisi aroqdan voz kechishga qaror qildi

Qirg‘izistonning Botken viloyati, Qadamjoy tumani, Noogardi qishlog‘i ahli spirtli ichimliklar iste’molidan voz kechishga qaror qildi, deb xabar qiladi «Turmush».

6 sentyabrdan qishloqda alkogol sotuviga taqiq joriy etildi.

Mahalliy oqsoqollarga ko‘ra, spirtli ichimliklar tufayli qishloqda turli noxush hodisalar ro‘y bermoqda. Shu sababli mazkur chorani qo‘llashga majbur bo‘lishgan.

Hamqishloqlar ularning tashabbusini qo‘llab-quvvatladi. Shundan so‘ng qishloq do‘konlaridagi barcha alkogol mahsulotlari 90 ming som (1,3 ming AQSh dollari)ga sotib olinib, yo‘q qilindi.