Qirg‘iziston parlamenti muddatidan oldin o‘zini tarqatishga qaror qildi

Bugun Qirg‘iziston Jogorku Keneshi (parlamenti) 7-chaqiriq deputatlarini o‘zini tarqatish haqida qaror qabul qildi. Bu taklif 32 nafar deputatdan iborat tashabbus guruhi tomonidan kiritilgan.

Qarorning ikki asosiy sababi qayd etildi: yangilangan Saylov to‘g‘risidagi qonun (parlament saylovlarining yangi tizimiga ko‘ra) va Jogorku Kenesh hamda Prezident saylovlari orasidagi qisqa muddat.

Jogorku Keneshning 7-chaqiriq konstitutsiyaviy vakolat muddati 2026 yil noyabrda tugaydi. Prezident saylovlari esa 2027 yil yanvarga belgilangan.

Tashabbuskor deputatlarning fikricha, ikki yirik siyosiy tadbirni bir vaqtda o‘tkazish mamlakatda ijtimoiy-siyosiy barqarorlikka salbiy ta’sir ko‘rsatishi mumkin.

Parlament tarqatilgandan so‘ng, Prezident deputatlarning muddatidan oldingi saylovini tayinlash to‘g‘risida farmon imzolashi lozim.