Tasvirlarda aks etgan urush izlari shahrimiz kinoteatrlarida bepul namoyish etiladi

“O‘zbekkino” Milliy agentligi “Respublika kinoprokat markazi” davlat unitar korxonasi Samarqand viloyat filiali Ikkinchi jahon urushida qozonilgan g‘alabaning 74 yilligi va 9 may Xotira va qadrlash kuniga bag‘ishlab, Samarqand shahridagi “Sharq Yulduzi” kinoteatrida bir qator filmlar namoyish etiladi.

7, 8, 9 may kunlari soat 17:00 da Ikkinchi jahon urushi davrida xalqimizning mard o‘g‘lonlari tomonidan ko‘rsatilgan jasorat, yurt ozodligi uchun chekkan azoblari, urushdan keyingi qiyinchiliklar haqida so‘zlovchi “26-otilmasin”, “Sen yetim emassan”, “Toshkent non shahri” va ”Berlin-Oqqo‘rg‘on” badiiy filmlari bepul namoyish etiladi.