16 минг доллардан ортиқ маблағга дори воситаларини ноқонуний сотаётган шахс қўлга олинди
Бош прокуратура ҳузуридаги Департаментнинг Самарқанд вилояти бошқармаси томонидан ИИБ билан ҳамкорликда тезкор тадбир ўтказилди.
Унда фуқаро Н.Ю. дори воситаларини дорихона ва уларнинг филиалларидан ташқарида муомалага киритиш орқали даромад орттиришни кўзлаб, фуқаро М.га хорижда ишлаб чиқарилган “COVID-19” инфекциясини даволашда кенг қўлланиладиган “Remdesivir” номли дори воситасини ҳар бирини 350 минг сўмдан сотишга келишиб, жами 500 донасини 16 300 АҚШ долларига сотган вақтида ашёвий далиллар билан ушланган.
Мазкур ҳолат юзасидан Жиноят кодексининг 186-3-моддаси (дори воситаларини ёки тиббий буюмларни дорихоналардан ва уларнинг филиалларидан ташқарида реализация қилиш) билан жиноят иши қўзғатилиб, тергов ҳаракатлари ўтказилмоқда.
