АҚШ турар-жой биносида саккиз киши отиб ўлдирилган, болалар ҳам бор

АҚШнинг Юта штатида жойлашган Инок шаҳридаги турар-жой биносида ўқ жароҳати олган беш нафар бола ва уч нафар катта ёшли одам жасади топилди, деб хабар берди шаҳар полицияси.

"Полиция ходимлари уйни текширишганида уй ичида уч нафар катта ва беш нафар вояга етмаган болани ўлик ҳолда топишган. Уларнинг ҳар бири ўқдан жароҳат олганга ўхшайди", дейилади ABC4 телеканали ссилкасини жойлаган Инок шаҳар полицияси баёнотида.

Маҳаллий мактаб кенгаши ҳам бу маълумотни тасдиқлаган.