Бугундан айрим маҳаллий йўналишларда поездлар ҳаракати тикланди

Бугун соат 07:00 да “Тошкент – Навоий – Бухоро” йўналишида №762-сонли “Афросиёб” юқори тезликда ҳаракатланувчи поезд “Тошкент-Марказий” темир йўл вокзалидан жўнаб кетди. Соат 16:28 дан “Бухоро – Навоий – Тошкент” йўналишида №761-сонли “Афросиёб” юқори тезликда ҳаракатланувчи поезд Тошкентга қайтади.

Шунингдек, соат 08:00 да “Тошкент – Қарши” йўналишида №760-сонли “Афросиёб” юқори тезликда ҳаракатланувчи поезд “Тошкент-Марказий” темир йўл вокзалидан жўнади ва шу куни соат 17:58 дан “Қарши – Тошкент” йўналишида №759-сонли “Афросиёб” юқори тезликда ҳаракатланувчи поезд Тошкентга қайтади.

Соат 08:05 да эса “Тошкент-Жанубий” вокзалидан “Тошкент – Андижон” йўналишида № 60-сонли поезд жўнаб, шу куни соат 15:33 дан “Андижон – Тошкент” йўналишида № 59-сонли тезюрар йўловчи поезд Тошкентга кириб келади, деб хабар беради Транспорт вазирлиги матбуот хизмати.