Жаҳон банкига янги президент сайланди
Илгари Ажай Банга узоқ вақт "Masterсard"ни бошқарган.
Илгари "MasterCard"ни бошқарган ҳинд-америкалик тадбиркор Ажай Банга Жаҳон банкининг янги президенти бўлди.
63 ёшли тадбиркор бу лавозимга ягона номзод эди. Бироқ, сайловлар бир овоздан бўлмади: Россия вакили бетараф қолди. Анъанага кўра, Жаҳон банки президенти АҚШ президенти томонидан кўрсатилган Америка фуқароси ҳисобланади.
Банкнинг амалдаги раҳбари Дэвид Малпас муддатидан бир йил олдин ўз лавозимини тарк этади. Кетиш сабаби расмий равишда айтилмайди.
