Жанубий Корея КХДРдаги ядро иншоотлари тиклангани ҳақида маълум қилди
Жанубий Кореянинг Yonhap ахборот агентлиги разведка ва ҳукуматдаги манбаларга таяниб хабар беришича, Шимолий Корея ҳукумати Пхунгери ядровий полигонида ер ости туннеллари тармоғини тиклаш устида ишламоқда.
Манбаларга кўра, Шимолий Корея ҳукумати Пхунгери ядровий полигони туннелларининг бир қисмини оммавий қирғин қуролларининг янги синовлари доирасида алоқа воситаларидан фойдаланиш учун тикламоқда. Бу туннеллар 2018 йилнинг май ойида КХДРнинг Корея яриморолини ядросизлантириш бўйича тинч ниятларини намойиш этиш мақсадида вайрон қилинган эди.
Агентлик шунингдек, Шимолий Корея ҳукумати Кымгансан сайёҳлик ҳудудида Жанубий Корея томонидан қурилган биноларни демонтаж қилишни бошлагани ҳақида хабар берди. Бу иншоотларнинг қурилиши икки давлат ўртасидаги “ярашиш” рамзи эди.
5 март куни Шимолий Корея разведка йўлдош тизимларининг навбатдаги синови доирасида баллистик ракета учирди. Бу 2022 йил бошидан бери тўққизинчи можародир.
