Жанубий Корея парламенти муваққат президентга ҳам импичмент эълон қилди
Жанубий Корея парламенти президент вазифасини бажарувчи Хан Док Суга импичмент эълон қилиш учун овоз берди. У импичмент эълон қилинган собиқ президент Юн Сок-Ёлдан сўнг президент лавозимини эгаллаганига икки ҳафта бўлганди.
Овоз беришда қатнашган 300 ўринли парламентдан 192 депутат ёқлаб овоз берди.
Мухолифат Хан Док Су Конституциявий суд судьяларини тайинлашдан бош тортганига норозилик билдирган. Бу судьялар собиқ президент Юн Сок Ёлга нисбатан импичментни тасдиқлаши керак эди.
