Канада мактабида отишма: тўққиз киши ҳалок бўлди
Канаданинг Британ Колумбия провинциясида жойлашган Тамблер-Ридж шаҳридаги ўрта мактабда отишма содир бўлди.
Полиция маълумотига кўра, мактаб биноси ичида олти киши ҳалок бўлган. Яна бир ярадор шифохонага олиб кетилаётганда вафот этган. Ҳодиса билан боғлиқ деб ҳисобланаётган турар жойда яна икки кишининг жасади топилган.
Икки нафар киши оғир аҳволда хавфли жароҳатлар билан шифохонага ётқизилган.
Мактабдан тахминан 100 нафар ўқувчи ва ходимлар эвакуация қилинди.
Ҳужумни амалга оширган шахс ўз жонига қасд қилган. Унинг шахси ва қотиллик сабаблари аниқланмоқда.
