Мол-мулк ва ер солиғини тўлашни унутманг!
Солиқ кодексининг 272- ва 287-моддаларига асосан, эгалигида солиқ солинадиган мол-мулки ва ер участкалари бўлган жисмоний шахслар ҳамда деҳқон хўжаликлари жисмоний шахсларнинг мол-мулк ва ер солиқлари тўловчилари ҳисобланади.
Жисмоний шахслар мол-мулк ва ер солиғини 15 октябрдан кечиктирмай тўлаши лозим.
Ўз вақтида тўланмаган солиқ суммасига ҳар бир кечиктирилган кун учун пеня ҳисобланиб, қарздорлик суд тартибида мажбурий ундирувга қаратилади.
Жисмоний шахслар томонидан тўланадиган мол-мулк ва ер солиқлари маҳаллий бюджет даромадларини тўлдириб, шаҳар ва туманларни ижтимоий-иқтисодий ривожлантириш, уй-жой коммунал хўжалик объектларини таъмирлаш ва аҳоли пунктларини ободонлаштириш, шу билан бирга аҳолининг ижтимоий эҳтиёжларини қондиришга сарфланади.
