Ноқонуний тарзда қум-шағал аралашмаси ковлаб, сотган шахс жаримага тортилди

Бугун, 1 март куни Ургут тумани экология ва атроф-муҳитни муҳофаза қилиш инспекцияси назорат инспекторлари туманнинг тоғли қисмидаги Хўжайдуқ маҳалласи ҳудудида рейд-кузатув тадбирларини олиб борилди.

Тадбир давомида фуқаро Т.В. ўзига тегишли бўлган юк ортувчи техника воситаси ёрдамида ноқонуний тарзда қум-шағал арашмасини ковлаб, экологик қонунларни бузганлиги ва табиатга зарар етказганлиги аниқланди.

Назорат инспекторлари ҳуқуқбузарга нисбатан Маъмурий жавобгарлик тўғрисидаги кодекснинг 70-моддаси 1-қисмига асосан маъмурий баённома расмийлаштирди. Унга кўра, Т.В.га нисбатан 2 миллион 450 минг сўм миқдорида жарима қўлланилди.

Самарқанд вилоят экология ва атроф-муҳитни муҳофаза қилиш бошқармаси ахборот хизмати.