Пахтачида ўқотар қуролни сотаётган шахс ушланди

Пахтачи тумани ИИБ ходимлари томонидан олинган тезкор маълумотга асосан 6 июль куни тезкор тадбир ўтказилган.

Тадбир давомида 1965 йилда туғилган, муқаддам Жиноят кодексининг 104-моддаси билан судланган, Пахтачи тумани “Янгиобод” маҳалла фуқаролар йиғинида яшовчи А.С. 6 миллион сўм эвазига ўзининг "ИЖ-17" русумли ов милтиғини ноқонуний равишда сотаётганда ушланиб, тегишли тартибда ҳужжатлаштирилди.

Мазкур ҳолат юзасидан Пахтачи тумани ИИБ ҳузуридаги тергов бўлими томонидан А.С. га нисбатан Жиноят кодексининг 248-моддаси 3-қисми билан жиноят иши қўзғатилиб, дастлабки тергов ҳаракатлари олиб борилмоқда.