Paxtachida o‘qotar qurolni sotayotgan shaxs ushlandi
Paxtachi tumani IIB xodimlari tomonidan olingan tezkor ma’lumotga asosan 6 iyul kuni tezkor tadbir o‘tkazilgan.
Tadbir davomida 1965 yilda tug‘ilgan, muqaddam Jinoyat kodeksining 104-moddasi bilan sudlangan, Paxtachi tumani “Yangiobod” mahalla fuqarolar yig‘inida yashovchi A.S. 6 million so‘m evaziga o‘zining "IJ-17" rusumli ov miltig‘ini noqonuniy ravishda sotayotganda ushlanib, tegishli tartibda hujjatlashtirildi.
Mazkur holat yuzasidan Paxtachi tumani IIB huzuridagi tergov bo‘limi tomonidan A.S. ga nisbatan Jinoyat kodeksining 248-moddasi 3-qismi bilan jinoyat ishi qo‘zg‘atilib, dastlabki tergov harakatlari olib borilmoqda.
