Путиннинг қизи ҳам коронавирусга қарши эмланди

Россия президенти Владимир Путин қизларидан бири коронавирусга қарши эмланганини маълум қилди. У бу ҳақда ҳукумат билан бўлган йиғилишда Россиянинг COVID-19 га қарши дунёдаги биринчи вакцинаси ҳақида хабар қилганида  маълум қилди.

“Қизларимдан бири ўзига муолажа қилдирди. Бу маънода у тадқиқотда иштирок этди. Биринчи муолажадан сўнг, унинг ҳарорати 38 даражага кўтарилди, иккинчи куни – 37 дан бироз юқорироқ, шу билан якунланди”, - деди Путин.

 “Иккинчи муолажадан сўнг, тана ҳарорати яна бироз кўтарилди, кейин ўтиб кетди. Ўзини яхши ҳис қиляпти”, - қўшимча қилди Россия етакчиси.

Унинг сўзларига кўра, “кўплаб одамларда ташқи белгилар умуман кузатилмаяпти, муолажадан сўнг тана ҳарорати ҳам ошмаяпти”, - сўзини якунлади Путин.