“Рeгистон стипeндияси — 2023” танловига старт бeрилди
Иқтидорли ёшларни қўллаб-қувватлаш ва молиявий рағбатлантириш мақсадида республика миқёсида талабалар учун “Регистон стипендияси - 2023” танлови ўтказилади.
Унда барча давлат ва нодавлат олийгоҳларида таҳсил олаётган бакалавр босқич талабалари иштирок этишлари мумкин.
Танловда иштирок этиш истагида бўлган талабгорлар 30 апрелга қадар онлайн шаклда рўйхатдан ўтишлари мумкин.
3 босқичли саралаш натижасига кўра, ғолиблар “Регистон стипендияси соҳиби” махсус гувоҳномаси, эсдалик совғалар, пул ютуқлари билан тақдирланади.
Шунингдек, танловда иштирок этган номзодларга махсус QR-кодли сертификатлар онлайн топширилади.
Маълумот ўрнида, ушбу стипендия хорижий тилларни пухта ўрганган билимдон талабаларни моддий рағбатлантиришга қаратилган бўлиб, ўқишда қўшимча имтиёз бериш характерига эга эмас.
