Самарқанд шаҳрида содир бўлган ЙТҲ оқибатида "Nexia" ёниб кетди
Вилоят ЙҲХБ хабарига кўра, бугун, 4 сентябрь куни соат 9:50 лар атрофида Самарқанд шаҳар Бўстонсарой кўчасида «Nexia-2» автомашинаси йўлнинг ўнг томонида ёқилғиси тугаб тўхтаб турган «Волга»нинг орқа қисмига келиб урилиши оқибатида ЙТҲ содир этган.
Оқибатда «Nexia-2»да ёнғин содир бўлган. Ёнғин зудлик билан Самарқанд шаҳар ФВБ ходимлари томонидан бартараф этилган. Ҳолат оқибатида тан жароҳати олган ва вафот этганлар йўқ. Ҳолат юзасидан дастлабки суриштирув ишлари олиб борилмоқда.
