Санкт-Петербургда юк поездлари тўқнашиб кетди
Тўқнашув оқибатида бир нафар машинист жароҳатланди. Бу ҳақда РИА Новости нашри хабар берди.
Фавқулодда вазият 28 июль куни маҳаллий вақт билан соат 14:00 (16:00 – Тошкент вақти)да “Октябрский” темир йўлининг “Купчинская” бекатида содир бўлди. Тақдим этилган маълумотга кўра, икки юк ташувчи поезд тўқнашган ва темир йўл йўлагидан чиқиб кетган.
Тезкор ёрдам хизмати вакили тўқнашувдан сўнг икки киши тиббий кўрикдан ўтказилганини ва машинистлардан бири жароҳатланганини маълум қилди. Тўқнашув юз берган темир йўл ҳудуди жиддий шикастланган. Воқеа жойига таъмирлаш гуруҳи юборилган.
Воқеа юзасидан жиноий иш қўзғатилган. Қурбонлар ва жиддий жароҳатланганлар йўқ.
